Hay Layn (ing. The High Line — "hündür xətt") — Midatun və Aşağı Manhettenin Mitpekinq və Çelsi rayonlarında yer səthindən 10 metr yüksəklikdə yerləşən yerüstü park. Bura keçmiş yerüstü dəmir yolu yerində salınıb. Ümumi uzunluğu 2,33 km-dır.
Park Qansvort Stritdən 34-cü küçəyə qədər uzanır. 34-cü küçədəki girişdə əlil arabaları üçün giriş nəzərdə tutulub. Park qışda hər gün səhər saat 7-dən axşam saat 19-a qədər, yazda və payızda axşam saat 22-yə qədər, yayda (ancaq günəşin batmasına qədər açıq olan 11-ci prospektin qərbindəki xiyaban istisna olmaqla) isə axşam saat 23-ə qədər açıq qalır. Parkda on bir giriş var, bunlardan beşi əlillər üçün əlçatandır. Girişlər pilləkənlərin yaxınlığında xüsusi əlil arabaları liftləri ilə təchiz olunmuşdur, onlar Gansvort, 14-cü, 16-cı, 23-cü və 30-cu küçələrdə yerləşirlər. Küçə səviyyəsində giriş 34-cü küçədə yerləşir, hansı ki 30-cu küçə və 11-ci prospektdən 11-ci prospektin qərbindəki 34-cü küçəyə qədər uzanan Aralıq xiyabanından keçır.
1980-ci ildə dəmir yolu xətti bağlandı. 1990-cı illərdə mülkiyyətçilər dəmir yolunun estakada ilə birlikdə demontaj olunmasını düşünürdülər, lakin yolların 1993-cü ildə Parisdə açılan parka bənzər bir park xiyabanına çevrilməsinə qərar verildi. 2004 və 2005-ci illərdə uzun sürən dinləmələrdən sonra parkın yaradılması üçün 50 milyon dollar ayrılmasına qərar verildi. Bundan əlavə, dəmir yolu bütünlüklə öz statusunu itirdi və ABŞ Federal Yerüstü Nəqliyyat Xidmətinin reyestrindən çıxarıldı
