Zeuqma Mozaika Muzeyi (türk. Zeugma Mozaik Müzesi) — Türkiyənin Qaziantep şəhərində yerləşən və sahəsi 30.000 m2 olan arxeoloji muzey. Dünyanın ən böyük mozaika muzeyidir. Açıldığı ilk gündə 3000-dən çox ziyarətçi qəbul etmişdir.
Həm memarlığı, həm də texnologiyası baxımından muzey dünyada öndə gedənlərdəndir. Muzey "İpək yolu" adı verilən E-400 yolunun üzərində inşa edilmişdir. 3 mərtəbəli 3 binadan ibarətdir. Bununla yanaşı 1.160 nəfəri qəbul edəcək konfrans salonuna da sahibdir. Muzeyin girişində isə Afina heykəli yerləşir. Burada yaşı 2000-dən çox olan mozaika sərgilənir. Mozaikaların çoxu Zeuqma antik şəhərindəndir. Dünyaca məşhur "Qaraçı qızı" mozaikası da burada qorunur.
Muzey hər gün ziyarətçilərə açıqdır. Aprel-oktyabr ayları arasında 09:00-17:00 saatlarında, noyabr-mart aylarında 09:00-17:30 saatlarında işləyir.