Vyanada Lyudviq Fondunun Müasir İncəsənət Muzeyi (alman dilində:Museum Moderner Kunst Stiftung Ludwig Wien, qısaldılmış şəkildə MUMOK) — Vyanada Muzey kvartalının tərkibində bədii muzey.
Vyana Müasir İncəsənət Muzeyinin əsası 2001-ci ildə qoyulmuşdur . Vyana Müasir İncəsənət Muzeyinin eksponatlarının əsasını Avstriyanın Lyudviq Fondundan olan tanınmış kolleksiyaçılar İren və Peterin əvvəllər «20-er Haus» adlanan muzey binasında və Fyurstenqassda yerləşən Lixtenşteyn saraında nümayiş etdirilən əsərlər təşkil edirdi.
Vyana Müasir İncəsənət Muzeyinin «Ortner & Ortner» bürosu tərəfindən layihələşdirilən binası kub formasında tikilmiş və vulkahik dağ mineralları ilə üzlənmişdir. Layihənin ilk variantında binanın daha hündür inşa edilməsi nəzərdə tutulsa da, uzun sürən müzakirələrdən sonra bir neçə yeraltı mərtəbənin inşasının reallaşdırılması nəticəsində binanın hündürlüyü azaldılmışdır.