Venta şəlaləsi (latış. Ventas rumba) — Avropanın ən enli şəlaləsi. Latviyanın Kuldiqa şəhəri ərazisində yerləşir. Suyun həcmindən asılı olaraq şəlalənin eni 100-110 metr arasında dəyişir. Bəzən isə eni 279 metr olur. Onun hündürlüyü yerindən asılı olaraqda dəyişə bilir. Hündürlük 1,6 - 2,2 metrdir. Əslində bu Venta çayı üzərində olan bir astanadır. Şəlalə boyunca uzanan astanalar ziqzaqvari forma əmələ gətirir. Venta çayı üzərində olan bu şəlalə təbiət abidəsi elan edilmiş və Venta vadisi təbiət yasaqlığın daxil edilmişdir..
19-cu əsrdə Kurzeme vilayətinin Rusiya imperiyasına əlinə keçməsi və Reç Pospotilanın parçalamnması ilə də naviqasiya kanallarının çəkilməsi işinə başlanılmışdır. Hədəf Neman çayını Dubisa çayı ilə birləşdirmək olur. bu tikintidə türk məhbuslarından istifadə edilir. 1831-ci ildə Venta çayında suyun çatışmaması səbəbindən işlər dayandırılmışdır.
Venta Şəlaləsi Latviyanın ən məşhur turist turistik bölgələrindən biridir. Kuldiqa şəhəri Venta çayının sahilində yerləşir. Yaz aylarında suyun əhəmiyyətli dəyişiklik səbəbiylə şəlalə cazibədar bir yerə çevrilir. Şəlalədən cənubda Qala Parkı, Köhnə Kuldiqa şəhər mərkəzinin tarixi binaları yerləşir. Şəlalənin yuxarı hissəsində köhnə kərpic körpü 1874-cü ildə tikilmişdir. Körpü iki avtomobilin sərbəst keçidinə imkan verir.
Şəlalə ərazisində balıqçı qayıqları mövcuddur. Təqribi olaraq 1640-cı ildə kurlyandiyalı hersoq Yakob Kettler balıqları çay axarı əksinə üzərkən ovlayan aləti kəşf etmişdir. Bununlada Atlantik qızılbalığı və Xəzər qarasolu kimi balıqları bir başa havada ikən tutmaq olurdu. . Hazırda Venta çayında nərə balıqları olmasada Xəzər qarasolu və Atlantik qızılbalığıı indidə görülür.