Süveyş kanalı (ərəb. قناة السويس, Kana əl-Süvəys) - Sinay yarımadasının qərbində, Misir Ərəb Respublikasının ərazisində yerləşən, Aralıq dənizi ilə Qırmızı dənizi bir-birinə bağlayan süni su kanalıdır. Kanalın uzunluğu 163 km, ən dərin yeri 300 metrdir. Afrika qitəsində yerləşməsinə baxmayaraq Süveyş kanalı Asiya və Avropa dənizçiliyi üçün də çox önəmli su yoludur.
Əsas limanları Port-Səid və Süveyş şəhərləridir.
Kanalın çəkilişi fransız diplomatı və mühəndisi Ferdinand de Lessepsin rəhbərliyi altında 1859-1869-cu illər arasında aparılmış və 17 noyabr 1869-cu ildə açılmışdır.
Süveyş Kanalının İdarəetmə Mərkəzinin (Suez Canal Authority) məlumatına görə 2003-cü ilin yekunlarına əsasən kanaldan 17224 gəmi keçmişdir. Dünya dəniz nəqliyyatının 8%-i kanal vasitəsilə həyata keçirilir. Keçid müddəti 11-16 saat təşkil edir.