Madam Tüsso (ing. Madame Tussauds) — Londonda məşhur mum heykəllər muzeyi. Muzey Mariya Tüsso tərəfindən 1777-ci ildə yaradılmışdır və ilk mum fiquru Voltereə məxsus olmuşdur.
Bu muzey balaca olmasına baxmayaraq hal-hazırda bütün dünyada məşhurdur və Londona gələn bütün turistlər bu muzeyə mütləq baş çəkir. Burada bir çox Hollivud ulduzlarının : Angelina Jolie, Tom Kruz, Orlando Blum, Bred Pitt və s.; məşhur futbolçuların : Zinəddin Zidan, Devid Becxam və s. məşhur insanların mum fiqurları var.
Madam Tüsso muzeyinin bir çox şəhərlərdə filialları var. Buraya Honq-Konq, Amsterdam, Berlin və digər şəhərlər aiddir. Bu muzeyin yaradılması Madam Tüsso (Madame Tussauds) ilə bağlıdır. O, mum heykəllər hazırlayaraq sərgilər keçirirdi ki, bu da müasir Madam Tüsso muzeylərinin yaranmasına səbəb olmuşdur.
Muzeydə Azərbaycan xalqının ümummilli lideri Heydər Əliyevin mumdan hazırlanmış heykəl-fiquru da müxtəlif ölkələrin və epoxaların görkəmli dövlət xadimləri və siyasətçilərinin fiqurları sırasında öz fəxri yerini tutmuşdur. Mum-fiqurun müəllifi, muzeyin əməkdaşı Stiv Sueysdur (o kraliça II Elizavetin və Kuba lideri Fidel Kastronun fiqurlarının da müəllifidir).
