Hollivud ABŞnın Kaliforniya ştatının Los-Anceles şəhərində rayon. 1913-15 illərdən Amerika kino sənayesinin mərkəzinə ("xəyallar fabriki") çevrilmişdir. 20-ci illərdən indiyədək fəaliyyət göstərən "Metro-Qoldvin-Mayer", "20 əsr-Foks", "Paramaunt", "Warner Brothers", "Kolambiya" və s. kino şirkətləri burada təşkil edilmişdir. ABŞ kinematoqrafiyasının başlıca xüsusiyyətləri Hollivudda formalaşmışdır. Hollivudda müxtəlif illərdə Qriffit, Çarli Çaplin, Ştroheym, Vidor, Ford, Uayler, Kapra kimi məşhur sənətkarlar fəaliyyət göstərmişlər.