Assal — Cibuti Respublikasının mərkəzində yerləşən krater gölü. Göl dəniz səviyyəsindən 155 m aşağıdadı və Afar ovalığında yerləşir. Göl Afrikanın ən alçaq nöqtəsidi. Gölün 20-40 m dərinlikdə su duzluluğu 358 ‰ təşkil edir, bununla da bu göl Ölü dəniz və Elton gölü ilə yanaşı dünyanın ən duzlu göllərindən sayılır. Bura qalın duzlu torpağla əhatə olunur. Duz hasil olunur və Efiopiyaya karvanı ilə yola düşür.
Göldən təxminən beş kilometr məsafədə cənub-şərqdə Tacura körfəzi yerləşir.
Cibuti dövləti təklif edib ki, Assal gölü ilə Ardoukoba vulkanı UNESCO-nun "Dünya irsi" siyahısına salınsın.
İsti səhrada yerləşən gölün sentyabrdan maya qədər temperaturası 52° C qədər qalxır. Oktyabrdan Aprelə qədər yüksək rütubətli yağışlar olur və havanın temperaturu 34 ° C aşağı düşmür. Güclü, quru, isti küləklər mühitin bir hissəsidir. Aylıq temperatur fərqi 6° C olduğu bildirilir. Yay mövsümü ərzində quru, isti küləklər iki istiqamətdən əsir: Sabo küləyi cənub-qərbdən və Hamsin küləyi şimal-qərbdən. Hərdənbir yağan yağışlar nəticəsində, oktyabrdan aprelə qədər külək şərqdən əsir.
Gölün suyunun temperaturu isə 33-34° C, amma küləyin sürəti aşağı olanda və buxarlanma da az olanda səth suların temperaturu 20° C olur. Gölün dayaz dərinliklərində gölünün suyunun rəngi də dəyişir, və kiçik müddətdə lüminessensiya rənglərinə boyanır.